Асноўная інфармацыя: дакументы, дагаворы, правілы

Дакументы для заезду

Дагавор-аферта платнага аказання паслуг (пуцёўкі) 

Правiлы знаходжання у санаторыi

Пры прыбыцці ў санаторый неабходна мець пры сабе:

• пашпарт;
• санаторна-курортную карту або выпіску з медыцынскіх дакументаў са тэрмінам дзеяння не больш за 6 месяцаў, з указаннем асноўнага дыягназу (Пастанова Міністэрства аховы здароўя Рэспублікі Беларусь ад 31 мая 2006 г. № 38).

Дзеці ад 3 да 18 гадоў прымаюцца пры наяўнасці:

• аплачанай пуцёўкі;
• даведкі аб адсутнасці кантакту з інфекцыйнымі хворымі (тэрмін — не больш за 5 дзён);
• выпіскі з медыцынскіх дакументаў для санаторна-курортнага лячэння;
• звестак аб імунапрафілактыцы.

Дзецям да 3 гадоў не прызначаюцца працэдуры — пуцёўкі з лячэннем для гэтага ўзросту не прадугледжаны.

Каго не прымаюць у санаторый

У заездзе адмаўляюць пры наяўнасці проціпаказанняў да санаторна-курортнага лячэння.

Тэрміны заезду і выезду

Прыбыць на лячэнне трэба ў дзень, указаны ў пуцёўцы. Дні спазнення не аднаўляюцца, грошы за прапушчаныя дні не вяртаюцца.

Пры датэрміновым выездзе сродкі таксама не вяртаюцца. Сухі паёк не выдаецца.

Перадача пуцёўкі

Пуцёўка не падлягае перадачы іншай асобе.

Госці старэйшыя за 80 гадоў

Асобы старэйшыя за 80 гадоў прымаюцца толькі ў суправаджэнні родных або асоб, якія іх замяняюць.

Скарочаны курс лячэння

Калі пуцёўка аформлена на скарочаны тэрмін, колькасць працэдур памяншаецца прапарцыйна дням знаходжання.

Курэнне

Курыць у нумарах і на бaлконах забаронена. Парушальнікі выплачваюць штраф — 350 беларускіх рублёў (згодна з загадам № 191 ад 13 кастрычніка 2023 г.).

Курортны збор

Пры засяленні спаганяецца курортны збор — 5% ад кошту пуцёўкі (Рашэнне Докшыцкага раённага Савета дэпутатаў ад 25.11.2016 № 86, пункт 1.3).

Ад выплаты вызваляюцца:

• грамадзяне, якія пацярпелі ад катастрофы на ЧАЭС;
• непаўналетнія дзеці;
• інваліды з дзяцінства;
• інваліды I і II груп;
• асобы, якія суправаджаюць інвалідаў I групы і дзяцей-інвалідаў да 18 гадоў;
• работнікі ўстаноў адукацыі, якія суправаджаюць дзіцячыя групы;
• пенсіянеры Рэспублікі Беларусь па ўзросце (вызваляюцца на 50%).

Рэгістрацыя замежных грамадзян

Замежныя грамадзяне абавязаны зарэгістравацца ва ўстаноўленым парадку.

Забаронена ў нумарах

• утрыманне жывёл і птушак;
• захоўванне зброі, лёгкаўзгаральных рэчываў і матэрыялаў;
• захоўванне ровараў.

Паркоўка

Карыстанне ахоўнай аўтастаянкай санаторыя — бясплатнае.

Засталіся пытанні?

Калі які-небудзь пункт патрабуе тлумачэння або ў вас узніклі сумневы па дакументах і ўмовах заезду — звяжыцеся з намі. Супрацоўнікі аддзела браніравання адкажуць на пытанні, што вас цікавяць.

Пералік агульных супрацьпаказанняў, якія выключаюць накіраванне хворых у санаторыі