У санаторыі «Баравое» ўведзена новае даследаванне — кардыярэспіраторны маніторынг сну

05.11.2025

У санаторыі «Баравое» навінка! Цяпер гасцям даступны кардыярэспіраторны маніторынг сну —  інавацыйнае даследаванне, якое дазваляе дакладна ацаніць стан дыхальнай і сардэчна-сасудзістай сістэм падчас сну.
Працэдура праводзіцца на высокадакладным нямецкім апараце Samoa, лёгка і бязбольна.

Даследаванне выконвае ўрач-сомнолаг Каротчык А.М. Яно дапамагае выявіць апноэ, храп, начныя прыпынку дыхання, арытміі і іншыя парушэнні, якія часта застаюцца незаўважанымі, але могуць сур'ёзна ўплываць на здароўе сэрца і сасудаў.

Маніторынг праходзіць у камфортных умовах санаторыя. Перад сном усталёўваюцца лёгкія датчыкі, якія фіксуюць дыханне, узровень кіслароду і пульс. Пацыент спіць у сваім нумары, а раніцай лекар аналізуе дадзеныя і дае рэкамендацыі па лячэнні парушэнняў сну.

Укараненне гэтай працэдуры — яшчэ адзін крок да развіцця сучаснай лячэбнай базы санаторыя «Баравое».

Цяпер тут можна не толькі адпачыць і аднавіць сілы, але і прайсці дакладную дыягностыку сну з ужываннем медыцынскага абсталявання экспертнага ўзроўню.